२६ हजार कर्मचारीको आवेदन

काठमाडौं । कर्मचारी समायोजनका लागि २६ हजार १३० जना कर्मचारी अनलाइन प्रणालीमा नाम दर्ता गराएका छन् ।
यही पुस ११ गतेदेखि संघ, प्रदेश र स्थानीय तहमा कर्मचारी समायोजन गर्न सरकारले सञ्चालन गरेको अनलाइन फारममा २६ हजार १३० जनाले नाम दर्ता गराएको संघीय मामिला तथा सामान्य प्रशासन मन्त्रालयका उपसचिव अनिता निरौलाले बताए ।
उनका अनुसार तीमध्ये १९ हजार ८६८ जना समायोजन रोज्नका लागि तयार र ६ हजार २६२ जनाले समायोजनका लागि फारमसमेत भरिसकेका छन् । यही पुस मसान्तभित्र संघ, प्रदेश र स्थानीय तहमा कर्मचारी समायोजन अध्यादेश–२०७५ ल्याउँदै समायोजनको कार्य शुरु गरेको छ ।
सरकारले पुस ११ गते २१ दिनभित्र समायोजनमा जानका लागि कर्मचारीलाई अनलाइन आवेदन माग गरेको छ । समायोजनका लागि फारम भर्नका लागि सरकारले सबै मन्त्रालय, निकाय, आयोग, समिति र स्थानीय तहमा ‘सहयोगी कक्ष’ सञ्चालन गरेको छ । आवेदन दिएकामध्ये आध्यदेशअनुसार योग्य भएका कर्मचारीलाई छनोटमार्फत समायोजन गरिने उपसचिव निरौलाले बताए ।

मा प्रकाशित !

बहिरा विद्यालयमा महालक्ष्मी विकास बैंकको सहयोग

काठमाडौं । महालक्ष्मी विकास बैंकले संस्थागत सामाजिक उत्तरदायिŒवअन्तर्गत विभिन्न शाखाहरुबाट विभिन्न कार्यक्रमहरु गरेको छ । बैंकको भैरहवा शाखाले मंगलबार सिद्घार्थनगर, रुपन्देहीस्थित बहिरा माध्यमिक विद्यालयमा अध्ययनरत विद्यार्थीहरुका लागि एक कार्यक्रमको आयोजना गरी २ थान कम्प्युटर, २०० वटा उनीको टोपी तथा १ थान वाटर डिस्पेन्सर सहयोग स्वरुप प्रदान गरेको छ । प्रदेश नं ५ का प्रदेशसभा सदस्य सन्तोष पाण्डेको प्रमुख आतिथ्य रहेको उक्त कार्यक्रममा विशिष्ट अतिथिद्वय बैंकका सञ्चालक राहुल अग्रवाल तथा विद्यालयक व्यवस्थापन समितिका अध्यक्ष खिमलाल पुरी रहेका थिए । कार्यक्रममा पुरीले बैंकप्रति कृतज्ञता व्यक्त गर्नुका साथै बैंकको उत्तरोत्तर प्रगतिको कामना गरे ।
बैंकको खुरखुरे शाखाले गत २२ मंसिरमा राप्ती नगरपालिका १०, चितवनस्थित राष्ट्रिय आधारभूत विद्यालयका कक्षा १ देखि ३ मा अध्ययनरत विद्यार्थीहरुका लागि १०५ थान उनी स्वेटर प्रदान गरेको थियो । आर्थिक स्थिति निकै नै कमजोर भएका चेपाङ विद्यार्थीहरुको बाहुल्यता रहेको सो विद्यालयका विद्यार्थीहरुको जाडो याममा पठनपाठन सहज बनाउने हेतुले सहयोग गरिएको थियो ।
यसैगरी बैंकको मंगलसेन शाखाले ४ पुसमा अछाम बहुमुखी क्याम्पस मंगलसेनमा अध्ययनरत ११ जना योग्य विद्यार्थीहरुलाई कुल ३३ हजार छात्रवृत्ति स्वरुप प्रदान गरेको थियो ।

मा प्रकाशित !

आइएमई डिजिटल र जनता बैंकबीच सम्झौता

काठमाडौं । आइएमई ग्रुपद्वारा प्रवद्र्धित ‘आइएमई डिजिटल’ र जनता बैंक नेपाल लिमिटेड बीच ‘आइएमई पे’ मोबाइल मनीमार्फत विविध मोबाइल वित्तीय सेवा उपलब्ध गराउने सम्बन्धी सम्झौता पत्रमा हस्ताक्षर भएको छ । आइएमई डिजिटलका तर्फबाट प्रमुख सञ्चालन अधिकृत डेनियल डी श्रेष्ठ र जनता बैंक नेपाल लिमिटेडको तर्फबाट प्रमुख कार्यकारी अधिकृत परशुराम कु“वर क्षत्रीले सोमवार सम्झौता पत्रमा हस्ताक्षर गरे ।
सम्झौता अनुसार जनता बैंक ‘आइएमई डिजिटल’ को बैंकिङ साझेदार संस्था हुनेछ र बैंकका सेवाग्राहीहरूले चाँडै नै आइएमई पे वालेटमा आङ्खनो बैंक खाता लिंक गर्नेलगायत बैंक खाताबाट वालेट र वालेटबाट बैंक खातामा रकम जम्मा गर्नेजस्ता सेवाहरू प्राप्त गर्न सकिने भएको छ । साथसाथै जनता बैंक नेपालका सेवाग्राहीहरुले ‘आइएमई पे’ मा उपलब्ध रिचार्ज, मनी ट्रान्सफर र क्युआरमार्फत गरिने भुक्तानी सेवा पनि प्राप्त गर्न सकिने छ ।

मा प्रकाशित !

एनआइसी एसिया बैंककोे थप दुई शाखारहित बैंकिङ सेवा

काठमाडौं । सहरी तथा ग्रामीण जिल्लाहरुमा समेत आङ्खनो सशक्त उपस्थिति स्थापित गर्नुको साथै गाउँगाउँमा वित्तीय पहुँच तथा वित्तीय सबलीकरणका लागि शाखारहित बैंकिङ सेवा प्रदान गर्दै आइरहेकोे यस एनआइसी एसिया बैंक लिमिटेडले युकेएड सक्षम एक्सेस टु फाइनान्स कार्यक्रमकोे सहकार्यमा दार्चुलाको महाकाली नगरपालिका–७ धाप र महाकाली नगरपालिका–९ दत्तुमा आपm्नो २१औँ र २२औँ शाखारहित बैंकिङ सेवा १७ र १८ पुसबाट सञ्चालनमा ल्याएको छ ।
बैंकले महाकाली नगरपालिका–७ धापमा सञ्चालनमा ल्याएको शाखारहित बैंकिङ सेवाको समुद्घाटन दार्चुला उद्योग वाणिज्य संघका अध्यक्ष मंगलसिंह ठगुन्नाले गरे । उक्त शाखारहित बैंकिङ सेवाका प्रतिनिधिका रुपमा शेरसिंह रैखोलालाई नियुक्त गरेको छ । यसैगरी बैंकले महाकाली नगरपालिका–९ दत्तुमा सञ्चालनमा ल्याएको शाखारहित बैंकिङ सेवाको समुद्घाटन महाकाली नगरपालिका–९का वडा अध्यक्ष हरसिंह डाँगाले गरे । उक्त शाखारहित बैंकिङ सेवाका प्रतिनिधिका रुपमा कृष्णसिंह चौैसिरलाई नियुक्त गरिएको छ ।
शाखारहित बैंकिङ सेवाबाट विभिन्न ग्रामीण क्षेत्रका स्थानीय बासिन्दाले आङ्खनो गाउ“मै स्थानीय प्रतिनिधिमार्फत बैंकिङ सेवा लिन सक्ने बताइएको छ । साथै सो सेवाबाट बैंकिङ कारोबारका लागि स्थानीय बासिन्दाहरुलाई लामो दूरीसम्म हिँड्नु पर्ने बाध्यताको अन्त्य गरी ग्रामीण र दुर्गम क्षेत्रहरुमा समेत वित्तीय सवलीकरण भई बैंकिङ कारोबारको बिस्तार हुने विश्वास बैंकले लिएको छ ।

मा प्रकाशित !

जिग्मेको भिडियो सार्वजनिक

काठमाडौं । चर्चित बालगायिका जिग्मे छोकी घिसिङको नयाँ गीत तथा भिडियो सार्वजनिक भएको छ । चर्चित गीत ‘तिम्ले बाटो फेरेऊ अरे’को बालभर्सन गाएर नेपाली सांगीतिक क्ष्ँेत्रमा चर्चा आएकी जिग्मेको ‘हाम्रो यी साना आँखा’ बोलको पछिल्लो गीतलाई भिडियोमा सार्वजनिक गरिएको हो ।
करिब ७ वर्षकै उमेरमा जिग्मेले गीत ‘तिम्ले बाटो फे¥यौ अरे’ गीत गाएकी थिइन् । जुन गीतलाई यु–ट्युबमा एक करोडभन्दा बढी दर्शकले हेरिसकेका छन् भने अझै पनि यो गीत लोकप्रिय छ । यिनै चर्चित गीतकी बालगायिका जिग्मेको पछिल्लो ‘हाम्रो यी साना आँखा’ बोललाई पनि दर्शक श्रोताले रुचाएका छन् । यस गीतलाई पुरुषोत्तम ढुंगेलले लेखेका हुन् भने संगीत हेम थामीले गरेका हुन् ।
राजेन्द्र महर्जनले निर्देशन गरेको यस भिडियोमा गायिका जिग्मे आफैले पनि अभिनय गरेकी छन् । साथै यस गीतको भिडियोमा विभिन्न बालकलाकारको अभिनय हेर्न सकिन्छ ।
ह्याप्पी हाउस प्रोडक्शनले निर्माण गरेको यस भिडियोलाई बालगायिका जिग्मेले आफ्नै अफिसियल यु–ट्युब च्यानलबाट सार्वजनिक गरेकी हुन् । गीतकार दर्पण राईको चर्चित गीत ‘तिम्ले बाटो फेरेऊ अरे’ गीतमार्फत गायन क्षेत्रमा ‘आइकन’का रुपमा आफूलाई चिनाएकी जिग्मको पछिल्ल्लो गीत निकै कर्णप्रिय छ । जसले गर्दा जिग्मे यस गीतबाट फेरि एकपटक नेपाली सांगीतिक क्षेत्रमा चर्चामा आउने अपेक्षा उनको परिवारले गरेका छन् ।

मा प्रकाशित !

प्रेमनाथको फस्र्टलुक

काठमाडौं । प्रेमकथामा बनेको फिल्म ‘प्रेमनाथ’को ट्रेलर तथा फष्टलुक सार्वजनिक गरिएको छ । बुधबार राजधानीमा आयोजित एक कार्यक्रममा फिल्मको ट्रेलर तथा फष्टलुक सार्वजनिक गरिएको हो ।
फष्टलुक पोष्टरमा फिल्मका पुरै कलाकारले स्थान पाएका छन्, भने ट्रेलर पनि अन्य फिल्मको भन्दा केही भिन्न प्रकारले निर्माण गरिएको छ । करिब तीन मिनेटको ट्रेलरमा प्रेम, एक्सन र रोमान्सका दृश्यले प्रथामिकता पाएका छन् । ट्रेलर साउथ फिल्मको झल्को दिने खालको रहेको छ ।
२५सय बर्ष अगाडिको प्रेमकथा दाबी गरिएको फिल्म कलाकार गणेश बेलवासेले निर्देशन गरेका हुन् । फिल्ममा सुरवीर पण्डित, गजित बिष्ट, नवीन श्रेष्ठ, कमल गाउँले, गणेश बेल्वासे, मियुम जिरेल, शेखरजंग मल्ल, सम्झना भेटवाल, पूजा रिजाल, सिर्जना राईलगायतको अभिनय रहेको छ ।
२२ चैत्रबाट प्रदर्शनमा आउने फिल्मबाट कृति गौतम र मोनालिशा विष्टले अभिनयमा डेब्यु गरेका छन् । काठमाडौं, लुम्बिनी, रोल्पा, लखनउ, दाङ लगायतका स्थानमा छायाँकन भएको फिल्मका निर्माता गुहेश्वरी बेलबासे हुन् । कपिलप्रसाद दवा कार्यकारी निर्माता रहेको फिल्ममा सह–निर्माताको रुपमा बसन्तराज भट्ट र मिलन राई समेत रहेका छन् ।
काठमाडौं बाहिर एफडी कम्पनीले वितरण गर्ने फिल्म उपत्यकामा गोपाल कायस्थले वितरण गर्नेछन् । भारतमा वितरणको जिम्मा बर्चस्व इन्फ्राटेक प्रालिका उमेश सिंहले लिएका छन् ।
‘प्रेमनाथ’ अहिलेसम्म फिल्ममा प्रयोग भएका भन्दा फरक प्रेमकथामा निर्माण भएको निर्देशक बेल्वासेले बताए । उनले एक्सन र प्रेमकथाले भरिएको फिल्म दर्शकको रुचिमा पर्ने दाबी गरे । निर्माता गुहेश्वरी बेलवासेले फिल्म निर्माणमा कुनै कम्परमाइज नगरेको बताइन् । फिल्मका कलाकार मियुम जिरेल, शेखरजंग मल्ल, सम्झना भेटवाल, पूजा रिजाल लगायतले फिल्म अभिनय र आफ्नो भुमिकाको बिषय प्रकास पारे ।
‘प्रेमनाथ’का द्वन्द्व निर्देशक भरत क्षेत्री हुन् । संगीतकारमा सन्तोष श्रेष्ठ, भुपु पाण्डे र एसडी योगी रहेका छन् । नृत्य निर्देशन रजिन पाठक हुन् । गीतमा राजेश पायल राई, भुपु पाण्डे, बेनुका राई, सूची पन्थी, अञ्जली पटेल, रेयापे दाजु र चित्रवीर जिसीको स्वर छ । ‘प्रेमनाथ’मा छायांकन सुमिन कार्की, सुरज पाण्डे र सञ्जय सहानीको रहेको छ ।

मा प्रकाशित !

पुजा भइन् मिस पुर्वाञ्चल

काठमाडाैँ । ‘मिस पुर्वाञ्चल–२०१८को उपाधि झापाकी पुजा श्रेष्ठले जि’ेकी छन् । सुनसरीको धरानमा शनिबार सम्पन्न प्रतियोगितामा उनले ताजसँगै स्कुटी प्राप्त गरिन् । प्रतियोगितामा धनकुटा हिलेकी अनिला क्षेत्री फस्ट रनरअप र इटहरीकी तपस्या रणपहेली सेकेन्ड रनरअप भए । उनीहरुले क्रमश एक लाख र ५० हजार नगद पाए ।

मा प्रकाशित !

दुईलाई ‘प्रतिभा पुरस्कार तथा सम्मान’

काठमाडौं । नेपाली प्रतिभा प्रतिष्ठान, बेलायतले नेपाली गीतसंगीतका क्षेत्रमा योगदान पु¥याएबापत दार्जिलिङकी प्रसिद्ध गायिका दावा ग्याल्मोलाई ‘प्रतिभा सम्मान’ र निबन्ध तथा अनुवादका क्षेत्रमा योगदान दिएबापत गोरखाका युवा लेखक तथा अनुवादक बलराम अधिकारीलाई ‘प्रतिभा पुरस्कार’ प्रदान गरेको छ ।
काठमाडौंमा आयोजित एक समारोहबीच नेपाल प्रज्ञा–प्रतिष्ठानका पूर्वकुलपति, वरिष्ठ कवि एवं मुन्धुमविद् बैरागी काइँलाले उक्त सम्मान तथा पुरस्कार प्रदान गरे । ताम्रपत्र र २० हजार राशिसहित ‘प्रतिभा सम्मान’ ग्याल्मोलाई र ताम्रपत्र र एक लाख रुपैयाँ नगद राशिसहित ‘प्रतिभा पुरस्कार’ अधिकारीलाई प्रदान गरिएको हो ।
सम्मान तथा पुरस्कार प्रदान गरेपछि मन्तव्य राख्दै प्रमुख अतिथि काइँलाले नेपाली भाषा, साहित्य, कला तथा संगीतका क्षेत्रमा दार्जिलिङको अतुलनीय योगदान रहेको बताए । उनले ग्याल्मोजस्ती प्रभावशाली गायिका र युवा निबन्धकार तथा अनुवादक अधिकारीलाई बेलायतमा रहेको नेपाली वाङ्मयिक संस्थाले सही मूल्यांकन गरी सम्मान गरेकोमा खुसी प्रकट गरे ।
समारोहमा नेपाल प्रज्ञा–प्रतिष्ठानकी अनुवाद विभाग प्रमुख प्राज्ञ प्रा.डा. उषा ठाकुर र कवि श्रवण मुकारुङले बेलायतमा रहेको प्रतिभा प्रतिष्ठानले भाषा, साहित्य, कला र संगीतका क्षेत्रमा योगदान दिएका स्रष्टालाई सम्मानित तथा पुरस्कृत गर्दै सत्कार्य गरेको उल्लेख गरे । कार्यक्रममा संगीतकार आभाष र संस्कृतिविद् डा. भक्त राईले सम्मानित तथा पुरस्कृत प्रतिभाका बारेमा बोलेका थिए ।
समारोहमा सम्मानित तथा पुरस्कृत प्रतिभा ग्याल्मो र अधिकारीले सम्मानित था पुरस्कृत भएमा कृतज्ञता प्रकट गर्दै आ–आफ्ना अनुभूति व्यक्त गरेका थिए ।

मा प्रकाशित !

तानसेन र पूर्वखोलामा ग्लोबल आइएमईको शाखा

काठमाडौं । ग्लोबल आइएमई बैंक लिमिटेडले आइतबार पाल्पाको तानसेन र पूर्वखोलास्थित तानसेन शाखा र पूर्वखोला शाखा कार्यालयको औपचारिक समुद्घाटन गरेको छ । पाल्पा र त्यस वरपरका बासिन्दालाई सेवा पु¥याउने उद्देश्यले खोलिएको शाखाको गभर्नर डा. चिरन्जीवी नेपाल र तानसेन नगरपालिकाका मेयर अशोककुमार शाहीले संयुक्त रुपमा औपचारिक समुद्घाटन गरे ।
कार्यक्रममा गभर्नर डा.नेपालले पाल्पालगायत देशका अन्य जिल्लाहरुमा ग्लोबल आइएमई बैंकले बिस्तार गरेको सेवा सञ्जालले देशको समग्र आर्थिक वृद्धिमा उल्लेखनीय टेवा पुगेको बताए ।
कार्यक्रममा बैंकका अध्यक्ष चन्द्रप्रसाद ढकाललगायत स्थानीय जनप्रतिनिधि, बुद्घिजीवी तथा स्थानीयबासीहरुको उल्लेख्य उपस्थिति रहेको थियो । समारोहमा बैंकका अध्यक्ष ढकालले ग्लोबल आइएमई बैंक लि. सुविधा सम्पन्न स्थानमा मात्र नभएर विकट क्षेत्रमा समेत पुगेर आफ्नो सेवा प्रदान गरिरहेको जानकारी गराउँदै सबै वर्ग र क्षेत्रलाई बैंकिङ पहु“चमा ल्याउने बैंकको प्राथमिक उद्देश्य रहेको बताए ।

मा प्रकाशित !